Bastia : après l'incendie du 35 rue Campinchi, certains habitants ne pourront pas réintégrer leur appartement avant plusieurs mois
Dopu à u focu scappatu in un sulaghjolu di u 35 di u carrughju Campinchi, in Bastia, un puntu lla situazioni hè statu fattu pà l’abitanti d’issu palazzu, ma ancu pà quiddi di u palazzu suppicciu di u 2 di u carrughju Sebastiani.
Certi, chì stani in i piani suttani, sò pussuti turrà in i so alloghja luni à sera. À certi altri, l’hà da tuccà ad aspittà uni pochi di ghjorna, u tempu ch’idda sicchi l’acqua aprudata da i spinghjifoca par spinghja u incendiu.
Pà l’abitanti di u sud di u 35 llu carrughju Campinchi, a situazioni hè bedda cumplicata : da 30 à 50 tonni di carcinacci ghjacini à nantu à u sulaghju di u quintu pianu, è ci hà da vulè à caccià li innanzi d’attaccà travaddi beddi grevi, postu ch’iddu ci hà da vulè à lampà u suffittu di u quartu pianu.
À iss’abitanti chivi, l’hà da tuccà à aspittà parichji mesa innanzi di turrà in i so alloghja, certi issendu stati d’altrondi dannighjati bè da u focu è da l’acqua.
