Bastelica : un trail organisé ce dimanche
Duminica u setti di sittembri, si hà da fà a prima edizioni di u Trail di Bastelica, ind’iddi sò aspittati più di 400 parsoni par curra.
Urganizata da l’associu Bastelica Muntagne Trail, issa manifistazioni hè cumposta di trè cursi è una marchja : un trail di 28 chilomitra, unu curtu di 17, una cursa « natura » di deci chilomitra è una marchja sulidaria ch’ùn sarà cronumitrata.
Tutti i solda accolti cù issa marchja sulidaria ani da essa aprudati par salvà u canali di l’Aghjara, in Bastelica. Si tratta chivi d’un « prughjettu cullittivu è duratoghju purtatu da a cumuna di Bastelica è da l’associu U Canale par fà ni u ristoru, valurizà lu è sinsibilizà chjuchi è maiori à u gistimentu di l’acqua.
Custruita in u 1875, issa bedda opara d’ingignaria idraulica hà annacquatu par più d’un seculu i tarri agriculi è arricatu acqua à i funtani llu paesu. Oghji indibulita, t’hà bisognu d’essa rinuvata », spiecani l’urganizatori.
Steti à senta à François-Joseph d’Amore, à nomu di u cumitatu d’urganisazioni.
Sur le même sujet
