Bande dessinée : Paoli 5, L'Exilé, vient d'arriver en librairie
A quinta parti lla storia à figuretti « Pasquali paoli » hè ghjunta in libraria.
« L’exilé » parla di u sicondu esiliu di Pasquali Paoli, u primu in Londra.
Tredici anni dopu à a isciuta llu primu libru lla siria, Frédéric Bertocchini, u scinaristu, è Eric Rückstühl, u dissinatori, cuntinuvighjani à cuntà ci a storia di u « Babbu ».
Da pudè ci sbuccà, sò stati fatti i ricirchi storichi, da ch’iddu sichi u racontu vicinu à a virità.
Cusì, u scinaristu hà spizzicatu i currispundanzi di Paoli, da sciuvarà ni fatti è parolli veri, ch’iddi dochini carri à i dialughi.
In quantu à u dissinatori, si hè impignatu in una ricirca icunugrafica, da ristituì quant’iddu si pò i loca lla storia.
In issa quinta parti, ci si pudarà veda à Pasquali Paoli in Italia, in Baviera, in Ullandia è ben’intesa in Ingliterra. Cunturrendu si ni in Corsica, in u 1790, u Babbu farà cunniscenza cù Ghjaseppu è Napulionu Bonaparte.
A sesta parti, chì duvaria escia pà a statina llu 2021, trattarà l’annati 1790-1800, cù l’affaccà di u Regnu anglocorsu è a situazioni di Paoli à st’epica.
Eccu dunqua i cinqui libri di a siria :
Tome 1 : La Jeunesse de Paoli
Tome 2 : Le Père de la Patrie
Tome 3 : Ponte Novu
Tome 4 : Les Pendus du Niolu
Tome 5 : L'Exilé
Sur le même sujet
