Le Direct

Baignade interdite dans le Cavu en prévention de la Bilharziose !

(A redazzioni d'Alta Frequenza) - Un ramentu hè statu fattu ssu dopu meziornu (luni) da l'Agenza Righjunali di a Saluta annant'à ssa malatia parasitaria chì si pò chjappà ind'i fiumi, a Bilarziosa, a siconda malatia parasitaria ind'u mondu. Liatu à u sviluppu di una piccula lumaga d'acqua, u bulin, ssu varmu parasitu t'hà bisognu, pà ripruducia si, d'acqua dolci è calma, micca salita è micca pulluata cù una timperatura di più di vinti gradi è soprattuttu di a prisenza di l'omu. Parechji casi aduniti di bilarziosa urogenitali, ssa malatia parasitaria chì si svilluppeghja ind'è l'omu, sò stati scuparti da l'autorità di saluta righjunali è naziunali di veranu. I parsoni cuncirnati, turisti, si sò bagnati tutti ind'u Cavu, un fiumi vicinu à Santa Lucia di Purtivechju. L'Altu Cunsighju di a saluta publica hè statu chersu pà valutà i risichi è u CNRS ricerca in ssu mumentu u parasitu ind'i fiumi di u meziornu stremu è u bulin inde tutti l'altri lochi. L'istati essendu vicinu, hè oramai pruibitu di bagnà si ind'u Cavu.

Steti à senta à Jean Jacques Coiplet, u direttori di l'ARS di Corsica.