Baccalauréat 2022 : les épreuves de spécialité seront reportées au mois de mai
Ghjovi, u Rittori lla Corsica hà prisintatu l’urganisazioni nova llu baccu.
« Da mantena un trattamentu paru lli candidati, da permetta à ugnunu d’appruntà cù a calma i so provi, da mantena u liveddu di l’esigenza tinindu contu lla crisa sanitaria, u ministru hà dicisu di piddà parichji misuri pà i provi llu baccu », hà dittu Jean-Philippe Agresti.
Sarani dunqua attimpati i provi di spicialità
Privisti da u 14 à u 16 di marzu, si farani in fin’di contu da u 11 à u 13 di maghju.
Ùn ci ni sarà timatichi in più à appruntà, ma ci sarà inveci u tempu in più pà appruntà u travaddu, hà dittu u rittori.
I cambiamenta, ci sò ancu pà a prova urali anticipata di francesu : in a via ginirali, si prisintarani 16 scritti inveci di i 20 privisti. In a via tecnulogica, si passarà da 12 à 9.
