Autonomie pour la Corse : Femu a Corsica, remonté contre Gérald Darmanin, laisse planer le doute sur sa présence lundi à Paris
Marcuri, Femu a Corsica hà, d’una certa manera, rispostu à a intervista vispina data à Corse Matin da gérald darmanin, u ministru francesu di l’internu.
Truvendu i so parolli beddi incapiscitoghji, ch’idda sichi pà a forma o pà u fundu, Femu a Corsica hà dinunciatu issa vulintà unilatirali di u minisitru di vulè cambià l’almanaccu di a riforma. Dici u partitu chì Gilles Simeoni ùn n’hà, lizioni di dimucrazia à riceva da gérald darmanin.
Femu a Corsica, chì ùn hà ancu presu dicisioni, par ciò chì tocca à a so prisenza o micca à u pranzu uganizatu luni in parigi da u ministru, hà ripitutu ch’idd’ùn ismintica i fundamintali, trà i quali a scrizzioni di a Corsica in a custituzioni via un titulu, è micca via un articulu com’iddu a pruponi u guvernu.
Si dici in suttu chì l’anullazioni marcuri di a cunfarenza di i prisidenti di l’assemblea corsa ùn si hè fatta chè à mutivu lugisticu, è Femu a Corsica spera quantunca ch’iddu isciarà calchì fumu biancu vennari, da a riunioni trà tutti i partiti.
Masimu chì issi pochi sittimani, hè crisciutu u scartu trà certi attori d’issu cartulari.
Steti à senta à François Martinetti, u sicritariu naziunali di Femu a Corsica.
