Autonomie : Pour Femu A Corsica il faut construire un avenir à la Corse
Custruì un accordu puliticu chì sichi à u liveddu lla scumissa : Femu a Corsica hà fattu marcuri una cunfarenza di stampa par dà u so sintimu, calchì sittimana dopu à a ghjunta d’emmanuel macron in Corsica.
À senta ni u muvimentu, u discorsu prisidinziali hà apartu « via è pirspittivi, ma t’hà uni pochi di mancanzi è ambiguità ».
Eppuri, hè chivi manenti l’autunumia, è Femu voli cuntribuiscia ci è piddà tutta a so piazza in la so custruzzioni.
Hè cuscenti u muvimentu ch’idda hè stratta a via, è chì i trappuli ci pudariani essa, ma ci hè l’assuluta nicissità di a riescita.
Issa riflissioni è issi dirizzioni di travaddu venini à gallu à tempu à a ripresa d’attività di u FLNC, chì hà rivindicatu circa trenta attintati.
Comu, tandu, ghjunghja ni à un accordu glubali è custruttivu ?
Steti à senta a risposta di Don Joseph Luccioni, cunsiglieri tarrituriali.
L’hà ditta emmanuel macron, à u prughjettu d’autunumia li ci vurrà l’unanimità.
Sarà pussibuli tandu d’accodda tutti l’uppunenti à u ducumentu Autunumia : Un Soffiu Novu, chì avia prisintatu u soiu, o ancu Corsica Libara, chì hà dittu chjaramenti ch’idd’ùn era d’accunsentu cù u prucessu avviatu ?
François Martinetti, u sicritariu ginirali di Femu, ci vol’ creda, è spieca ch’iddu mittarà tuttu in opara par fà riescia a Corsica.
Steti lu à senta.
Sur le même sujet
