Augmentation des tarifs du transport de fret : un impact irrémédiable sur le coût de la vie selon des socioprofessionnels
Faci parlà, sempri, u currieri ch’idda hà mandatu a Corsica Linea, diligataria principali di u sirviziu publicu pà i traghjetti trà a Corsica è Marseglia, à i cusì ditti « sucioprufiziunali ».
Resa publica via i reti suciali da Jean-Baptiste Cantini, chì gistisci un cumerciu di centru cità in Bastia, mintuvighja una crescita, à parta si da duminica u primu di ghjinnaghju, di 14,3 % di u prezzu llu metru liniariu di trasportu.
U scartu di tempu trà u currieri d’infurmazioni è a missa in opara d’issa crescita, validata in a DSP da l’eletti lla maiurità tarrituriali di l’assemblea, hè beddu curtu : parvia di quissa, certi « sucioprufiziunali » si dicini intrappulati.
Cumiricianti, agricultori è altri attori di l’ecunumia pensani aghjà à avvià uni pochi d’azzioni. Ma i fatti sò quissi : ancu puri ch’iddi provini à limità l’effetti d’issa crescita, chì s’aghjusta à i 6 % di crescita di u trasportu stradaghju, ani da essa, fatta fini, i cunsumatori i paganacci.
À Jean-Baptiste Cantini, issa situazioni li dà à veru u pinseri.
Steti lu à senta.
Sur le même sujet
