Attentats en Corse du Sud : le point du Parquet
« Tutta a Corsica hè stata tocca sta notti da parichji splusioni di risidenzi sicundarii è d’un bastimentu publicu scunsacratu d’Aiacciu (un anzianu centru di i impositi) », hà dittu luni matina, via un cumunicatu, u prucuratori lla ripublica.
« I primi conti insignani una dicina d’attintati in Pumonti (Bastilicaccia, Tavacu, Vicu, Villanova, Vighjaneddu, Leci, Santa Lucia di Portivechju, Coti è Chjavari, Aiacciu), sparati à parta si da deci ori è mezu. Ma issi conti sò da apprufundì », dici Nicolas Septe.
« Intantu d’avè analisi più pricisi, (si pò dì chì) i danni via incendii è splusioni sò stati fatti aprudendu mezi diversi : splusivi, buttegli di gasu, nitrati, è certi volti parichji d’issi mezi à tempu », spieca u prucuratori.
Certi fatti sò stati rivindicati da u FLNC, masimu in Leci, Santa Lucia di Portivechju è Villanova, ind’iddi sò stati scritti i muri.
« Ferti gravi ùn ci n’hè statu », hà dittu u prucuratori, chì hà « discorsu sta notti cù a pracura naziunali antitarrurista, chì duvaria piddà in contu l’affari in a ghjurnata ».
Sur le même sujet
