Attentat cette nuit contre la Brasserie du Diamant à Ajaccio : les premiers éléments de l'enquête
Di notti, trà marcuri è ghjovi, a « Brasserie du Diamant », in Aiacciu, hè stata tocca da un attintatu.
U prucuratori hà pricisatu i fatti : « versu i trè ori è quartu lla mani, a « Brasserie du Diamant », in cor’ di cità, hè stata tocca da una splusioni forti chì hà ribumbatu in tuttu u circondu ».
« Passati i sminadori, i sirvizia lla inchiesta ani rimarcatu ch’una carica sicca era stata sposta à a intruta llu stabilimentu, chjusu à u publicu. Issa splusioni criminali hà dannighjatu bè a mubiglia ch’era davanti è in drintu à u stabilimentu.
Quand’idda hè saltata a carica, un impiicatu facia a pulizia in a brassaria, ma ùn hè statu fertu », hà dittu Nicolas Septe.
A pracura dici chì « scritturi à carattaru naziunalistu ùn si n’hè trovu ».
Nicolas Septe hà incaricatu à DTPJ d’Aiacciu di fà una inchiesta à mutivu di « prova d’assassiniu è digradazioni via incendiu o mezi splusivi, in banda urganizata ».
