Attaque en règle contre la fiscalité corse : Gilles Simeoni appelle à la mobilisation de tous
(A redazzioni d'Alta Frequenza) - Offesa putenti nova contr'à a Corsica è a so fiscalità da a parti di u diputatu UDI francilianu chì ùn c'hè più bisognu à prisintà Charles de Courson. In fatti, à l'iniziativa di ss'ultimu, i diputati ani vutatu ssu marcuri à sera in cummissioni a suppressioni di certi derugazioni fiscali à l'uccasioni di l'asamini di u prughjettu di bughjettu 2017. Si trattaria quì di supprimà l'esunerazioni di u dirittu di circulazioni nant'à i vini è a derugazioni cuncirnendu a tassa spiciali nant'à certi veiculi stradali, chì ùn hè micca appiecata nant'à i veiculi immatriculati inde l'isula è chì ci circuleghjani. Ssi dui amendamenti duvarani essa vutati quantunqua in seenza pà pudè sbuccà è ùn duviarani micca mancà di fà riagiscia di manera gattiva i parlementarii corsi. Ssu colpu pessimu novu inde l'opara generali d'accanimentu di Charles de Courson ci faci pinsà dinò à u raportu aciarbu di a Corti di i Conti, chì dinunziava l'altru mesi d'appressu à ella pratichi trapassati è derugazioni senza basi legali nant'à a gistioni di l'impositu in Corsica. U presidenti di l'Esecutivu di Corsica Gilles Simeoni hà riagitu in furia. Par ellu, ss'attaccu contr'à a fiscalità n'appronta altri di u listessu gennaru, par asempiu nant'à l'arrestatu Miot, à chì ci hà da vulè à risponda cù una mubilisazioni cullittiva nant'à l'isula.
Steti à senta à Gilles Simeoni.
