Assemblée de Corse : la dérive mafieuse de nouveau en question
Ghjovi, mentri i quistioni urali à l’assemblea di Corsica, si hè parlatu dinò di i stravii maffiosi.
Un sughjettu chì par disgrazia faci à spissu l’attualità, com’idda si hè vista cù l’assassiniu di David Costa-Colesi, a sittimana passata in Bastia.
Ghjuvan’Santu le Mao, à nomu di Fà Populu Inseme, hà dumandatu à chì n’era u travaddu di l’assemblea di a Corsica fattu in attelli dopu à a sissioni strasurdinaria cunsacrata à issu sughjettu.
Steti lu à senta.
Via Lauda Guidicelli, l’esecutivu lla Corsica hà dittu qualissi erani i cunvirgenzi è i divergenzi isciuti da issu travaddu. Eppuri, un cunsensu si pudaria fà par signalà a rispunsabilità di u statu è a nicissità di metta in anda arnesi d’azzioni pà a pupulazioni corsa.
L’esecutivu hà da fà un raportu, da prupona azzioni cuncreti, cù una cunsultazioni di a sucità civili.
L’ughjittivu saria d’uttena un risultatu da quì à a fin’di l’annu.
Steti à senta à Lauda Guidicelli.
Sur le même sujet
