Assassinat en Corse-du-Sud
(A redazzioni d'Alta Frequenza) - Novu assassiniu arisera (vennari) versu 9 ori in Corsica Suttana, in Santa Lucia di Purtivechju. Un omu di una quarantina d'anni, Anthony Galliot, hè statu toccu da una o parechji balli surtendu da un bar di u paesi, tirati da una o parechji parsoni davanti à numarosi testimonii. A vittima era cunnisciuta da i servizii di pulizza, frà altru pà un arrubecciu in u 2004 in Sguizzara di parechji centinai di chilò d'oru. Anthony Galliot era statu cundannatu cù d'altri parsoni in u 2010 inde st'affari. Dopu essa partutu à u Brasiliu duva ellu era statu arristatu in u 2006, era statu rimandatu in Francia dopu. A brigada di ricerchi di a gendarmeria d'Aiacciu è a pulizza ghjudiziaria, ghjunti sopralocu appena dopu à i fatti, ani rializati i primi investigazioni. Issi dui entità sò incaricati di l'inchiesta. Par avà, nisun ipotesi hè schisata. L'autopsia di a vittima sarà rializata a settimana chì veni.
Sur le même sujet
