Assassinat d'Yvan Colonna : un débat pour la vérité aux Ghjurnate di Corti
Sabbatu in Corti, ci hè stata a 40esima edizioni lli Ghjurnati Internaziunali.
Erani parichji i diligazioni prisenti, è cusì si hè pussutu parlà di a situazioni d’issi tanti populi in brama di suvranità. In l’edizioni à vena, si parlarà di a internaziunalisazioni di i lutti oghji.
Ma issu sabbatu, ci hè statu u dibattitu cunsacratu à l’assassiniu d’Yvan Colonna : comu tena u filu di a mubilisazioni è di a dumanda di virità ?
Emmanuel Mercinier-Pantalacci, avucatu di a famidda d’Yvan Colonna, François Pupponi, l’eletti baschi è catalani, l’associ di prighjuneri è i muvimenti di ghjovani erani prisenti è ani cuntribuitu à u dibattitu, chì hà postu a quistioni lla rispunsabilità di u statu francesu, da culandi bè à a sola rispunsabilità amministrativa di l’agenti pinitinziarii.
Si hè parlatu ancu di a pussibilità d’una rivisioni di u prucessu d’Yvan Colonna, è di a intigrazioni di a quistioni di i prighjuneri pulitichi à u prucessu di surtita di crisa avviatu incù u statu.
U cuntestu puliticu issendu ciò ch’iddu hè, sarà pussibuli di fà sbuccià a virità par ciò chì tocca à iss’assassiniu ?
I nosci invitati circarani à risponda à issi quistioni in l’edizioni à vena.
Sur le même sujet
