Arrêté Miot: une conférence de presse à Paris, pourquoi ?
(A redazzioni d'Alta Frequenza) - Paul Giacobbi è Camille de Rocca Serra ani datu stamani (marti) in Parighji, ed hè a prima volta, una cunfarenza di stampa. I dui diputati di a Corsica, cù u sustegnu di Laurent Marcangeli è di Sauveur Gandolfi Scheit, aviani sceltu l'ori di l'Assemblea naziunali pà fà senta a so voci. Si tratta piuttostu di a voci di a Corsica parchì vuliani mandà un missaghju à l'upinioni publica fora di l'isula annant'à un sughjettu chì ci teni à cori assai in Corsica, quillu di l'Arrestu Miot. Dopu à a dicisioni secca di u Cunsighju custituziunali di metta a Corsica à paru cù l'altri rughjoni in materia di regimi successurali, dopu à a criazioni di un gruppu di travaghju da u ministeru di i Finanzi, dopu à a recezzioni da ssu ministeru di un raportu liatu, dopu à l'accunsentu di ssu listessu ministeru à i cunclusioni di ssu raportu, pari bè chì u fruttu sighi maturu oramai. Scriva a Corsica ind'una spezia di phasing out fiscali, sarà u scopu di l'amendamenti posti da a raprisintazioni corsa à l'uccasioni di l'apartura, oghji, di u dibattitu nant'à u prughjettu di legi di finanza pà l'annu 2014, un dibattitu annunziatu da tutti com'è assai difficiuli. Una cunfarenza di stampa in Parighji, parchì ? Hè ciò ch'emi dumandatu à Paul Giacobbi.
Steti à senta à Paul Giacobbi.
