Arrestations de militants nationalistes : les réactions de soutien
Sò stati uni beddi pochi, i riazzioni dopu à l’arristazioni è u trasfirimentu luni in parigi di i militanti di Corsica Libara.
Par Femu a Corsica, sè certi in parigi, volini accatizzà a brusta è circà à fà riparta a logica di u cunflittu, i corsi, in gran’maiurità è qual’ch’idda sichi a so upinioni, ricusani tinsioni è cunfronti. Ci vurria à essa cechi o incuscenti, par ùn capì ch’issa situazioni porta unu risicu impurtanti di dannu puliticu, è porta à un ciculu di cunfronti duri chì hà Corsica ùn vol’più veda.
« Hè urgenti di fà la finita cù issa situazioni di tinsioni, senza aspittà ch’iddu succedi nudda. U guvernu è u statu n’ani i meza. Ma n’avarani a vulintà ? », quistiunighja u muvimentu lla maiurità tarrituriali.
U PNC rigreta « ch’iddu ni ghjunga, una volta di più, l’arnesu riprissivu à attaccà si à patriotti corsi ».
« Arimani, via un altru cumunicatu, diciami chì no’ aspittaiami chì u statu faccia a so parti lla strada da custruì a paci è una suluzioni pulitica. Par avali, pari ch’idda sichi stata scelta a strada cuntraria », dici u Partitu di a Nazioni Corsa, chì ni chjama di manera sulenna à a libarazioni, senz’altru, di tutti i militanti in guardia à vista.
Sur le même sujet
