Arrestations de ce mardi : vive condamnation de Corsica Libera et de l'Associu Sulidarità
(A redazzioni d'Alta Frequenza) - Corsica Libera è l'Associu Sulidarità dinunziani l'arristazioni di stamani (marti) in Corsica. "Arristazioni cuncirnendu ghjuvanetti minori, ma dinò i so parenti è militanti di i nostri urganisazioni rispittivi sò stati rializati stamani à bon'ora, cù una mubilisazioni di i forzi militari di un'impurtanza scarsa è micca banali", si pò leghja in un cumunicatu. "Parechji gruppi di gendarmi si sò prisintati in casa à i nostri militanti rializendu arristazioni è parquisizioni cù una manera di fà particularmenti agressiva è viulenti", cuntinueghjani Corsica Libera è l'Associu Sulidarità. "Ci alzemi cù forza contr'à ssu gennaru di pruvucazioni micca utuli, chì t'ani com'è scopu di sviluppà un ambienti di paura è di tinsioni inde l'isula, in cuntrastu prufondu cù a nostra voglia ripituta di pona i cundizioni di una situazioni appaciata in Corsica, pà pudè parmetta a custruzzioni d'avanzati pulitichi", compiini u muvimentu puliticu è l'associu.
Sur le même sujet
