Le Direct

Annulation du PLU de Porto-Vecchio : Sans surprise pour Jean-Christophe Angelini

(A redazzioni d'Alta Frequenza) - A corti amministrativa d'appellu di Marseghja hà cunfirmatu l'annulazioni di u PLU di Purtivechju. Rammintemi chì a cumuna avia fattu appellu di u ghjudiziu di u tribunali amministrativu di Bastia, annulendu dighjà ssu ducumentu d'urbanisimu una prima volta. Hà persu dunqua. I rimprovari : i spazii rimarchevuli di Palumbaghja micca rispittati, l'apartura à l'urbanisazioni di parechji zoni agriculi, o ancu a divisioni di u tarritoriu municipali fatta senza cuntinuità cù ciò chì asisti. Pà Ghjuvan Cristofanu Angelini, cunsighjeru municipali d'uppusizioni nant'à a cumuna, ssa dicisioni di ghjustizia hè evidenti. Quilla liata à a mancanza di cuncertazioni è d'ascoltu à u nivellu di a direzzioni municipali. Ch'ellu sia pà u PLU o pà altri cartulari strutturanti di a cumuna, tuttu si passa, sicondu Ghjuvan Cristofanu Angelini, senza discussioni pussibuli.

On l’écoute.