Annulation des journées du patrimoine à Ajaccio : encadrement strict pour la saison culturelle
U ritrovu culturali è patrimuniali di sittembri, purtatu ugni annu da u ministeru lla cultura, ùn si farà pà u 2020 in Aiacciu.
Laurent Marcangeli, u merri è prisidenti lla CAPA, hà fattu a scelta llu principiu di pricauzioni, com’è i merra di Nizza o Bordeaux.
Via un arrestu municipali, hà suspesu l’animazioni privisti pà i Ghjurnati Aurupeani llu Patrimoniu.
Par avali, l’altri prugramazioni culturali ùn sò tocchi, ma sò suttimissi à reguli sanitarii strinti.
Cusì, u prutucollu sanitariu beddu grevu chì viaghja pà u Spaziu Diamant o u Museu Fesch hè più chè mai d’attualità.
Eccu i misuri dati da l’auturità cumunali :
In a sala di spittaculu ùn intrarani, pà u più, chè 154 parsoni, cù una piazza lacata viota trà ugni parsona o gruppu di parsoni (4 pà u più). A mascara hè d’ublicu. A biglittaria hè gistita da l’agenti d’accolta o via internet, cù un missaghju d’alerta da rispittà u piazzamentu
A biglittaria apri u 22 di sittembri pà i spittacula d’uttrovi, è aprarà à parta si da u 13 d’uttrovi pà i spittaculi pruposti sinu à dicembri llu 2020.
Pà i cunfarenzi, a limita hè sempri di 154 parsoni, è a scrizzioni si faci via una risirvazioni, chì hè d’ublicu.
Pà i mostri, a limita hè di 50 parsoni (sala di 200m², vali à dì 4m² à chjocca), è a mascara hè d’ublicu. Fatti i mostri, bichjeri ùn si ni tocca. I intruti in a sala sarani gistiti da un agenti.
Sur le même sujet
