Annulation de la saisie sur salaire de Jean-Marc Dominici : l'occupation payante de Patriotti à Aleria
(A ridazzioni d'Alta Frequenza) - Issu ghjovi, u cullittivu d’anziani prighjuneri « Patriotti » hà accupatu a Tisuraria d’Aleria.
U Cullittivu hà dittu chì l’accupazioni duvia durà sinu à ch’iddu sichi annulatu u siquestru à nantu à a misata di Jean-Marc Dominici.
Fatta fini, hè ghjuvata iss’accupazioni chì, in fin’ di dopu meziornu, u Cullittivu hà fattu sapè ch’idd’era annulata issa misura.
Hè statu accittatu un pianu da risolva issu debitu, cù un pagamentu di 50€ à mesi.
Cusì, l’accupazioni si hè compia com’idd’era cumencia : cù a calma.
