Aménagement économique du territoire : autorité exclusive des communautés de communes
(A redazzioni d'Alta Frequenza) - Vennari, i scontri di l’Assemblea di i cumunità di Francia (ACDF) erani urganizati ind’i casali di a CAPA in Aiacciu. Una ghjurnata di travaghju nant’à i rispunsabilità di i cumunità di cumuni in materia di sviluppu ecunomicu. Ssi cumunità di cumuni, cù a missa in ballu di a legi NOTRe, t’ani oramai l’autorità sclusiva nant’à l’accunciamentu ecunomicu di u tarritoriu è l’immubiliari d’intrapresa. In u quadru di l’appruntera di i SRDE-II, schema regiunali di sviluppu ecunomicu, un partinariatu hè in traccia d’essa elaburatu trà i regioni è l’intercumunalità. Una prublematica ancu più forti nant’à l’isula, cù da quì à trè mesi è mezu a nascita di a Cullittività di Corsica.
Steti à senta à Marie Antoinette Santoni Brunelli, a vici presidenti di a CAPA in carica di u sviluppu ecunomicu.
