Alzheimer: la Corse aussi
(A redazzioni d'Alta Frequenza) - U 21 sittembri chì veni, ci sarà a 20a edizioni di a Ghjurnata mundiali di a lotta contr’à a malatia d’Alzheimer. St’edizioni 2013, inghjiru à a tematica quist’annu « Prughjetti di vita cù a malatia », vidarà a reta di l’associ France Alzheimer mubilizà si ind’u mondu sanu. In Corsica, l’Agenza Righjunali di a Saluta è u cunsighju ghjinirali di Corsica Suttana ani rammintatu oghji (marti) u so ingaghjamentu pà migliurà a presa in carica di i malati è aiutà i so famighji. Ci voli à sapè chì dipoi a missa in opara di u pianu Alzheimer 2008 / 2012, arnesi novi sò stati missi à a dispusizioni di i pazienti è i so famighji. I MAIA par asempiu – di manera chjara i casi pà l’autunumia è l’integrazioni di i malati Alzheimer – sò stati missi in ballu da i dui dipartimenti è sò divintati u stuvigliu numaru unu pà truvà a malatia. L’uspidali sò mubilizati dinò cù par un dettu u sviluppu di provi di mimoria appughjati da asamini clinichi è psichichi. Di chì manera si faci a prima ricerca ? Hè ciò ch’è no avemi dumandatu à Pascal Rigaut, rispunsevuli di u polu saluta à l’ADMR di Corsica Suttana.
Ecoutez-le.
Sur le même sujet
