Alta Frequenza désormais disponible sur Freebox Revolution
(A redazzioni d'Alta Frequenza) - Dipoi pocu, ci hè un'antra manera di pudè stà à senta a vostra radiu, Alta Frequenza. In fatti, s'è vo seti abbunati à internet ind'è Free, è ch'è vo aveti una Freebox Revolution pà fighjulà a televisiò, ci pudeti oramai ritruvà à Alta Frequenza. Da sbuccà ci, l'affari hè propiu simplici, andeti nant'à l'accolta di a vostra Freebox Revolution, scighjiti a funzioni "Musique", eppo una volta drentu, scighjiti "Radios", "Webradios", eppo "Locales". I radii essendu classificati cù un ordini alfabeticu, truvareti à lestra à Alta Frequenza grazia à a vostra telecumanda.
