Alimentation des centrales de Corse : engagements politiques fiables ou fausses promesses électorales ?
(A redazzioni d'Alta Frequenza) - Nova riunioni di l'assemblea di Corsica oghji (ghjovi) è dumani. Una sissioni chì hè principiata cù i tradiziunali quistioni urali, in direttu è di modu sanu nant'à i nostri ondi. I cunsighjeri tarrituriali ani intarrugatu l'Esecutivu nant'à parechji tematichi. Frà quissi quì, i cintrali di Corsica è a so alimentazioni. Ingaghjamenti pulitichi sicuri o falsi prumessi eletturali ? Nadine Nivaggioni hè vultata nant'à l'annunzii fatti da Nicolas Sarkozy duranti a so visita in Corsica. L'eletta Femu A Corsica hè vultata nant'à i i necessità primi à l'alimentazioni pà "l'utilisazioni di u fuel lighjeru com'è cumbustibuli transitoriu nanzi à a ghjunta di u Gaz Naturali Liquidu è l'attribuzioni di i 500 millioni d'auri da securizà l'alimentazioni energetica di a Corsica". Mudificazioni di a Prugrammazioni Pluriannuali di l'Investimenti pighjendu in contu issi novi uzzioni pulitichi, dipositu di una prucedura nova d'autorisazioni di sfruttera di una Stallazioni Classificata pà a Prutezzioni di l'Ambiu (ICPE) pà a Corsica Suprana frà altru o ancu una nova cumanda di mutori, u gruppu Femu A Corsica hà intarrugatu à Maria Giudicelli pà avè "a cunfirmazioni di a dimarchja ingaghjata". U muvimentu vulia dunqua sapè chì pruceduri erani stati ingaghjati è s'è un calendariu pudia essa prisintatu. Maria Giudicelli hà dichjaratu chì a direzzioi di EDF avia postu una nova dumanda ICPE ind'è i servizii di u Statu u 15 d'aprili scorsu.Una risposta chì ùn hà micca suddisfatu à Nadine Nivaggioni.
Écoutez Nadine Nivaggioni.
