Alerte au vent en Corse-du-Sud
(A redazzioni d'Alta Frequenza) - A Prifettura di Corsica Suttana lampa una chjama à a prudenza, vistu l'episodiu di ventu forti privistu nant'à u dipartimentu. U ventu à Punenti chì cumencia à suffià s'hà da rinfurzà issu dopu meziornu (vennari), cù buffulati da 90 à 110 chilometri à l'ora, pà certi lochi à 120 chilometri à l'ora o ancu 130, in particulari nant'à i fianchi à Livanti è di Bunifaziu è di Purtivechju. In altrò, u ventu pudarà andà fin'è 80 chilometri. Issi venti calarani in prima parti di notti di vennari à sabbatu. Di pettu à issi cundizioni meteurulogichi, a prifettura di Corsica Suttana chjama à a più grandi prudenza.
Sur le même sujet
