Alain Orsoni apporte des précisions sur la fin du mercato de l'ACA et les cas de Zady et Tramoni
(A ridazzioni d'Alta Frequenza) - Incù una cumunicazioni Facebook, Alain Orsoni, u prisidenti lla holding ACA, dà qualchì pricisioni par ciò chì tocca à u trasfirimentu di Caleb Zady, fattu par 1,9 miliona d’auri (1,2 miliona è 700 000 di bunificazioni).
Dici Alain Orsoni chì Caleb Zady hè ghjuntu annu in Aiacciu, « in lu quadru d’una cullaburazioni cù un’accademia africana di ballò ». S’era dunqua ingagiatu, l’AC Aiacciu, à ceda issu ghjucadori, s’idda s’affaccaia qualchì pussibilità. Dici Alain Orsoni chì, d’un puntu di vista suldarinu, a squadra hà fattu un affari.
Par ciò chì tocca à Matteo Tramoni, dici u prisidenti lla holding chì Bordeaux hà fattu una pruposta ch’ùn si pò accittà, ma chì altri pruposti ùn ci n’hè statu.
A squadra hà prupostu à u ghjovanu ghjucadori una prulungazioni llu so cuntrattu. « Tocca à iddu à scedda a so risposta », hà dittu Alain Orsoni.
Sur le même sujet
