Ajaccio : un trafiquant de drogue interpellé
Ghjovi, hè statu intarpillatu un trafficanti di droga in u quartieri di San’Ghjuvanni, in Aiacciu.
Dici a pulizza ch’idda hè ghjunta una infurmazioni in cumissariatu ch’un omu, in a rimissa d’una risidenza, era in traccia di venda droga. Una squadra llu Gruppu di Sicurità è Prussimità hè mossa supr’à locu, fendu l’idintificazioni d’una parsona ch’in tuttu currispundia à u signalamentu.
Cuntrullatu à nantu à u so scooter, l’omu era in pussessu d’un pizzateddu di pecia di canapu è d’un paghju di chjavi, una di quissi aprindu a rimissa.
Culandi sò stati trovi 565 grammi di pecia di canapu è 1,18 grammi di cucaina.
A perquisizioni fatta in casa di l’omu hà pirmissu di truvà ci, in a so camara, 2,65 grammi di cucaina.
Avviatu versu u cumissariatu, hè statu missu in guardia à vista in l’Unità di i Droghi è di l’Ecunumii Suttarranii.
L’omu hà ricunnisciutu ciò chì li si era rimpruvaratu.
Sur le même sujet
