Ajaccio : Nazione mène une action contre la spéculation immobilière
Sabbatu, u muvimentu Nazioni hà fattu un’azzioni di tarrenu in Aiacciu, par dinuncià un casu di spiculazioni à nantu à a strada di i Sanguinarii.
« Parichji ustarii d’issu locu, oramai classificatu Gran’Situ, mettini in anda una forma nova di spiculazioni », hà spiicatu u muvimentu chì era issa duminicata in prisenza à l’anzianu « Hôtel des Sanguinaires », cunnisciutu bè da l’aiaccini par avè accoltu un tempu i forzi riprissivi staziunati in i circonda.
I quaranta alloghji di u stabilimentu sò vinduti in maior’parti à l’unità, ma a più di 300 000 € par 45m², ani da essa pochi pochi i famiddi corsi à pudè li cumprà.
Hè chivi a sucità SOMAPOL, chì t’hà u so scagnu in parigi, à fà issi venditi.
Cù iss’uparazioni, una impresa à fini d’ustaria hà fattu piazza à una logica d’invistimenta immubiliari.
Oghji, pà u più, issu cumplessu ùn apparteni à corsi primurosi di campà è travaddà à nantu à a so tarra, ma a uni pochi di frusteri furtunati chì prufittani di misuri di valurisazioni fiscali.
Quissi, gramazia à a pirmissività di i puteri publichi, sò i punteddi maiori di u casticu di a spiculazioni in Corsica ».
Dici u muvimentu ch’idda «hè ora, pà i parsoni pulitichi, di piddà i so rispunsabilità : innò à un’ecunumia chì s’arremba à a pridazioni è u spussessu, innò à a spiculazioni sustinuta da i sirvizia llu statu, è à l’inerzia di i pulitichi corsi, ch’impuvariscini apposta u nosciu populu ».
Steti à senta à Petr’Antonu Tomasi
Sur le même sujet
