Ajaccio et Bastia retenues pour le plan national Action Cœur de Ville
(A redazzioni d'Alta Frequenza) - Ssu marti, in Châtelleraut, Jacques Mézard, ministru di a Cuesioni di i tarritorii, aspittatu d'altrondi in Corsica da quì à calchì simana, hà annunziatu u lanciamentu di u pianu naziunali « Action Cœur de Ville » cù u scopu, cù un bughjettu di cinqui milliardi d'auri, di fà rinascia i centri di i cità mezani è chjuchi. È à mezu à i 222 cumuni chì ani vistu a so candidatura ritinuta, ritruvemi i cità d'Aiacciu è di Bastia. Hè pricisatu chì l'azzioni s'ani da scriva inde un cuntrattu quadru. Ingaghjarà a cumuna è a so intercumunalità, ma dinò i partinarii publichi, inghjiru à cinqui puntelli : a riabilitazioni di l'alloghji, u sviluppu ecunomicu è cumirciali equilibratu, l'accessibilità, a missa in valori di u patrimoniu è l'accessu à i sirvizi publichi.
