Le Direct

Ajaccio doit se doter rapidement d'une nouvelle prison, pour le syndicat FO pénitentiaire

(A redazzioni d'Alta Frequenza) - Mentri chì u diputatu di u sicondu circondu di Corsica Suttana Paul André Colombani visitava pocu fà a prighjoni d'Aiacciu, emi suvitatu ssa visita incù ellu. L'uccasioni di racoglia u sintimu di i parsunali frà altru. Pà u raprisintanti FO penitenziariu, com'è pà u diputatu Colombani d'altrondi, Aiacciu devi avè in furia una prighjoni nova. U casali attuali hè vechju, dici u raprisintanti sindicali. Prumiscuità, casali micca adattati, mancu orizonti inde i corti di spassighjata pà i prighjuneri, eccu u cuttidianu di ssa prighjoni ed hè un affari chì ùn si pò più accittà oghji, d'appressu à ellu. I parsunali provani à cumpensà, dici sempri ss'ultimu, adattendu u fattori umanu, ma a situazioni pò divintà cumplicata in furia ; parsunali chì subiscini dinò ssi cundizioni di travaghju difficiuli è ssa mancanza d'infrastrutturi.

Steti à senta à José Caria pà FO di a prighjoni d'Aiacciu.