Ajaccio : ça bouchonne et ça risque de durer...
(A redazzioni d'Alta Frequenza) - Feti entra un litru è mezu ind'una buttighja di un litru! Hè a scumessa propiu scema dumandata da tutti l'aiaccini è di manera più larga tutti l'abitanti di a CAPA, à i servizii di a cità d'Aiacciu. Cù dui, o ancu trè vitturi à famighja, ùn ci hè micca bisognu di sorta da Saint-Cyr pà capiscia chì a cità Imperiali trapassa oghji assai largamenti i so capacità d'accolta ch'ella sia pà a circulazioni o pà u staziunamentu. Appena com'è à u ballò duva ci hè u stessu numaru d'intrenori è di sustenidori, ognunu pruponi a so suluzioni: ci voli à fa què, o què. Prublema, ed hè maiò : quandu i servizii tennichi, hè u so mistieru, prisentani tali o tali prughjettu pà mighjurà appena l'affari, i voci di boni citadini mughjani à u scandalu è privedini i calamità i più pessimi. Com'è a somma di l'intaressi particulari ùn farà mai l'intaressu ghjinirali, l'immobilisimu chì tocca infini à tutti cuntinueghja. Hè ciò chì s'hè passatu calchì ghjornu fà pà u novu pianu di circulazioni privistu ind'u quartieru di San Ghjuvà.
Ecoutez Jérôme Terrier, directeur général des services techniques de la ville d'Ajaccio.
Sur le même sujet
