Ajaccio aura bientôt un jardin botanique
Photo Ville d'Ajaccio
Si hè fatta a prima visita di i travadda di u parcu paisaghjisticu Armand Berthauld, in Aiacciu.
Si tratta chivi di u prughjettu d’un giardinu butanicu, adattu à i spassighjati è à a scuparta di spezii ghjunti da i cinqui cuntinenti, è di l’accunciamentu d’un arghja vigitali di 7 720m², in cor’di cità. I travadda duvariani curra sinu à u 2024, è duvariani custà 1,3 miliona. U finanzamentu, u faria u statu par 50 %, a CdC par 30 % è a cità par 20 %
À senta ni à Stéphane Sbraggia, u merri d’Aiacciu, issu giardinu hà da essa beddu impurtanti à liveddu pidagogicu è suciali.
A cità vurria ancu essa candidata pà u marcu « Jardin Remarquable », iniziatu da u ministeru lla Cultura in u 2004, è chì veni à primià i giardini o parchi chì t’ani calchì intaressu culturali, esteticu, storicu o butanicu.
Steti à senta à Stéphane Sbraggia.
Issu giardinu sarà avviatu arrimbendu si à quiddi purtati à l’epica da Armand Berthault. Un travaddonu di ricirca hè statu fattu, da ritruvà i spezii aprudati tandu : oghji, di sicuru, sarani spezii più adatti à rimpiazzà li, ma di nomina mundiali sempri.
Steti à senta à Georgia Susini, chì hè in carica d’issu cartulari ambiintali di a cità d’Aiacciu.
Sur le même sujet
