Air Corsica et ses partenaires ont inauguré l'espace de repos Aria Serena à l'aéroport de Nice pour les passagers voyageant pour raisons médicales
Marti, Air Corsica è parichji di i so partinarii – l’associ Inseme è La Marie Do, a Fundazioni Lenval è l’aeruportu di Nizza – ani inauguratu una sala di riposu gratisi à intinzioni di i passaghjeri chì viaghjani trà Nizza è a Corsica pà raghjoni midicali.
Da middurà l’attesa trà a isciuta di u spidali è u imbarcamentu, Air Corsica avia apartu una sala cumpagna in l’aeruportu di Marseglia in u 2017, chì hè stata allargata in u 2019.
L’apartura d’unu spaziu di quissi in l’aeruportu di Nizza veni à cuncritizà a brama di a cumpagnia di fà meddu è di più chè l’Ublicazioni di Sirviziu Publicu ch’idda devi tena, da diligataria ch’idda n’hè pà u « bordu à bordu ».
Par Marie-Hélène Casanova-Servas, a prisidenti d’Air Corsica, « issa stallazioni hè à veru una nuvazioni : Air Corsica devi essa una di i soli cumpagnii ad avè imaginatu è cuncritizatu issu sirviziu à intinzioni di i passaghjeri chì devini viaghjà parvia di a so saluta ».
Sur le même sujet
