Agression d'un chauffeur de bus Muvitarra et condamnation de la direction
Vennari, in Aiacciu, ci hè stata un’agrissioni contru à un cunduttori di bus.
À nantu à u cursu Napulionu, à liveddu lla prifittura, u cunduttori hà datu una trumbittata à un utilitariu chì l’avaria duppiatu rabattindu si ghjustu davanti. I dui cunduttori sò falati da i so veiculi è si sò presi. U cunduttori llu bus avaria ricivutu un pattonu in faccia.
U prisidenti Séphane Vannucci è a dirizzioni di a SPL Muvitarra ani « cundannatu, è di manera ferma, l’attu udiosu d’oghji. Ùn si pò adimetta chì unu di i nosci impiicati sichi vittima d’una viulenza cumpagna fendu à so missioni à u sirviziu di l’aiaccini. Ci vol’ ch’idda cheti issa viulenza, chì metti in piriculu u nosciu campà insemi è i valori di a Corsica », dici u so cumunicatu.
Sur le même sujet
