Affaire Reims-Bastia : les appels à l'apaisement se multiplient
(A redazzioni d'Alta Frequenza) - Dopu à l'incidenti di ss'ultimi ghjorni in Bastia è in Corti par via di l'affari di u scontru trà Reims è u SCB, i chjami pà appacià a situazioni si multiplicheghjani. U presidenti di l'Assemblea di Corsica, Ghjuvan Guidu Talamoni, chì hè statu u primu à falla arisera (marti), scuntrarà d'altrondi stasera à 6 ori in Corti i sindicati studientini di l'Università di Corsica. Altra chjama à l'appaciata, quilla di u rettori d'accademia. Li dispiaci par asempiu à Michel Barat chì "Madama u Pruvisori di u LP Nicoli, cù u me accordu, fussi stata ubligata à sarrà u liceu stamani. Elementi fora di u stabilimentu micca identificati in fatti ani accesu fochi davanti à u stabilimentu mittendu in periculu a securità di i bè è di i parsoni." Infini a Liga Corsa di Ballò "chjama à u calmu è ramenta chì u ballò hè prima di tuttu un sport, è chì tutti i scontri si devini ghjucà in un ambienti sirenu è in securità tutali. A Liga Corsa di Ballò hè pronta à participià à tutti i riunioni di cuncertazioni è d'appaciata cù tutti i cumpunenti spurtivi è istituziunali."
