Affaire Reims - Bastia : entrevue mi-figue mi-raisin pour Maxime Beux avec Bernard Cazeneuve
(A redazzioni d'Alta Frequenza) - Ssu marcuri, u sustenidori bastiacciu feritu gravi in Reims di farraghju scorsu, Maxime Beux, accumpagnatu da a so famighja, era ricivutu in Parighji da u ministru di l’Internu, Bernard Cazeneuve. Ci sò stati dui intratteni in unu. U prima, direttamenti cù u ministru, hà lacatu pocu è micca pussibilità di dialogu, postu chì Bernard Cazeneuve hà tinutu u discorsu ch’ellu t’hà dipoi farraghju d’appressu à Maxime Beux. Eppo ss’ultimu s’hè intrattinutu cù a direttrici di l’IGPN, a pulizza di i pulizzi, è altri membri di u statu maiò di l’IGPN, discussioni di più aparti è custruttivi quì. A lotta pà a verità ferma longa è difficiuli malgradu tuttu pà Maxime Beux, com’è pà u cullittivu Ghjustizia è Verità, mentri chì cinqui sustenidori sarani ghjudicati luni chì veni in Bastia dopu à i manifistazioni accaduti dopu à l’evenimenti di Reims.
Steti à senta à Maxime Beux.
Sur le même sujet
