Affaire Manunta : les deux personnes interpellées relachées
(A redazzioni d'Alta Frequenza) - I dui parsoni arristati è missi in guardia custodia dopu à l'assassiniu d'Yves Manunta in Aiacciu, sò stati cappiati in fin di dopu meziornu (marcuri). Nisun carica hè stata ritinuta contr'à elli. Sempri da u cantu di l'inchiesta, l'autopsia di a vittima hè stata rializata oghji. Inveci, i cunclusioni di u legistu ùn sò micca cunnisciuti, pà ciò chì tocca à u numaru di tiradori è à l'armi utilizati. Ma l'omu arristatu luni è brusgiatu di modu gravi hè sempri uspitalizatu ind'un centru spicializatu di Marseghja. Hè sempri in guardia custodia di modu "virtuali" è sarà intesu quandu chì u so statu di saluta a parmittarà.
