Affaire Benalla : Michel Castellani accuse la majorité de transformer l'Assemblée Nationale en bateau ivre
(A ridazzioni d'Alta Frequenza) - L’affari Alexandre Benalla, chì pari essa unu scandalu, impiastra è impuzzichighja à Emmanuel Macron, u prisidenti lla ripublica. Ma hà dinò lampatu in tarra u dibattitu custituziunali chì s’avviaia in li ranga di l’assemblea naziunali. Di fatti, i capizzona pulitichi assaltani a prisidenza di l’assemblea è u guvernu di quistioni o rimarchi liati à iss’affari, chì tocca un cullaburatori llu prisidenti lla ripublica. Ramintemu ch’un filmettu moscia iss’omu chì tichja à colpi manifistanti, u 1u di maghju scursu, in Parigi. Parvia d’iss’affari dunqua, l’asaminu ll’amindamenti à a riforma custituziunali hè scantatu da ghjovi. È cussì, l’amindamenti rilativi à a Corsica in l’articulu 16 ùn si pudarà fà chè in a duminicata, o in principiu di sittimana ch’entri. Hè issa situazioni chì hà purtatu u diputatu llu Cismonti, Michel Castellani, à infurià si da fà si senta, ramintendu u rigulamentu à u guvernu è à a maiurità. Parvia d’iddi, dici Michel Castellani, l’assemblea si ni và à a malavia.
U stemu à senta
