Aéroport d'Ajaccio : la barre des 1 500 000 passagers reçus en 2017 franchie ce vendredi
(A redazzioni d'Alta Frequenza) - 1 500 000 passaghjeri ricivuti inde l'aeruportu d'Aiacciu Nabuliò Bonaparte dipoi u principiu di l'annu ! Un sciffru storicu chì hè statu arrighjistratu ssu vennari da mani. Un aeruportu cù una crescita annuali di più di 10% di pettu à l'annata 2016, chì avia accoltu à a listessa epica 1 356 777 passaghjeri. L'aeruporti di Corsica Suttana sò d'altrondi i primi pà u trafficu aereu di l'isula cù 57,6% di parti di marcatu, Aiacciu avendu 38,7% è Figari 18,8%. U rinforzu di i ligni di i cumpagnii low cost hè una di i spiegazioni pà ssi cresciti, mentri chì a cumpagnia regiunali, grazia à l'apartura di ligni novi è u mantenimentu di quilli chì asistini, cuntribuisci dinò à ssu successu. Pà a Camara di Cummerciu è d'Industria d'Aiacciu è di Corsica Suttana, c'hè un scopu maiò oghji : sustena è incuraghjiscia l'apartura di ligni novi è u so avvena pà rinfurzà è sviluppà l'ecunumia.
Steti à senta à Paul Marcaggi, u presidenti di a CCI 2A.
