Adhésion de la Corse à la FIFA : c'est un non catégorique selon Noël Le Graët le président de la FFF
Photo facebook Noël Le Graët
(A ridazzioni d'Alta Frequenza) - Vennari, l’assemblea di Corsica hà vutatu una muzioni, da fà i dimarchji nicissarii da adirì à a FIFA (veda chivi). U prisidenti lla Fidirazioni francesa llu ballò, Noël le Graet, n’hà parlatu sta sera. Quistiunatu da i ghjurnalisti di « l’équipe », si hè uppostu, di manera chjara, à issu prughjettu. Hà spiicatu chì «a Fidirazioni ùn ni darà risposta pusitiva, sin’tantu chì u statu ùn cunsidararà chì i dipartimenti ani una certa autunumia ». Par Noël le Graet, ùn ci hè « nienti à discorra » à issu sughjettu. « A noscia pusizioni hè quidda llu drittu, simpliciamenti. A Corsica hè un dipartimentu francesu. Ghjeiu, socu Brittonu, è a Brittagna, a tengu cara. Ma ùn cunsigliaria micca à u prisidenti lla righjoni brittona d’andà à veda a FIFA », spieca Noël le Graet. Dici chì issa quistioni « ùn porta mancu à risponda ci ». Eccu un ricusu catigoricu, chì pari chjuda di manera difinitiva issu cartulari.
Sur le même sujet
