Activité fournie pour le département anti-fraudes de la Haute-Corse
In u 2021, u CODAF, u Cumitatu Dipartamintali Anti Froda, ùn hè statu senza sgubbà, fendu 44 cuntrolli. Semu luntani è bè da i 121 llu 2019, ma hè u duppiu, à pettu à u 2020.
A mità di i volti, si n’hè ghjuntu à prucidimenti ghjudiziarii. Pà u più, issi cuntrolli toccani à u travaddu piattu in u BTP o l’agricultura, à i frodi à a pulitica agricula cumuna, o à infrazzioni à u codici ambiintali.
In Corsica, issi malfatti valini 11,7 miliona d’auri. 656 000€ di bè immubiliari o d’avè sò stati presi in siquestru, è 391 000€ sò stati difinitivamenti cunfiscati.
Piddà si ni à u purtafogliu di i parsoni suspittati di froda - chì certi di quissi, fatta fini, sò cundannati – sarà forsa una bedda manera di caccià li ni a vodda.
Steti à senta à stéphanie pradelle, a prucuratrici aghjunta lla ripublica di Bastia.
U prifettu llu Cismonti, da a so parti, faci rimarcà ch’idd’hè impurtanti di luttà contru à u travaddu piattu chì par certi, a vodda ci hè di fà ni l’usu, masimu in tempu di crisa
Steti à senta à françois ravier, u prifettu llu Cismonti.
