Accueil des migrants : le vote de l'Assemblée de Corse
(A ridazzioni d'Alta Frequenza) - Vennari, l’assemblea di Corsica hà vutatu una muzioni à favori di l’accolta lli migranti. Una muzioni sposta da u merri di Bonifaziu, Jean-Charles Orsucci, è vutata à l’unanimità. Ci si dici chì l’assemblea hè « favurevuli à l’accolta lli migranti, è dumanda a criazioni d’una cumissioni fatta apposta à issu sughjettu, cumposta di membri di l’assemblea, di prisidenti d’intercumunalità, di merri, è di sirvizia llu statu. A cumissioni devi truvà i suluzioni pà un’accolta efficaci lli migranti ». Ùn hè a prima volta ch’idda pidda pusizioni, l’assemblea, pà issu particulari. In u 2015, una muzioni di listessa andatura era aghjà stata vutata.
