Accident mortel près d'Ajaccio
(A redazzioni d'Alta Frequenza) - Novu accidenti murtali di a circulazioni arisera (ghjovi). I fatti sò accaduti versu 7ori è 30 in Corsica Suttana, à u nivellu di u ghjiratoghju di Pisciatellu, nant'à a sponda à meziornu di u golfu d'Aiacciu. Un omu in motò, Fabrizio Plado-Costante, di una quarantina d'anni, hè mortu, dopu à un inticciu contr'à una vittura, mandendu lu nant'à una ringhera di securità. Una volta sopralocu, i servizii di succorsu ùn pudiani cà custatà a morti di a vittima, stendu nant'à a cumuna di Bastelica. A vittura, impegnata inde l'accidenti, chì hè scappata, hè ricircata di modu forti da a brigada di gendarmeria di Cavru. Un'inchiesta di flagranza hè stata aparta. Hè dunqua un nova drama, chì porta, più cà mai, à fà casu nant'à i stradi di Corsica.
Sur le même sujet
