Accident mortel lors d'une course de moto dans le Cap Corse
(A redazzioni d'Alta Frequenza) - C'hè statu un accidenti murtali ssa dumenica dopu merzionu versu trè ori è mezu duranti una corsa di motò urganizata in Ruglianu in Capicorsu (Corsica Suprana). I fatti sò accaduti calchì centinari di metri dopu à u puntu di partenza. U pilotu di una trentina d'anni, hà persu u cuntrollu di a so motò, par raghjoni chì ùn sò ancu cunnisciuti. Una volta ch'elli sò ghjunti i succorsi sopralocu, a vittima era in arrestu cardiacu. Par disgrazia, hè morta par via di i so feriti duranti u so trasferimentu versu l'uspidali di Bastia Falcunaghja. In ss'accidenti, un cumissariu di corsa hè statu feritu à una ghjamba è à un bracciu.
Sur le même sujet
