Accident mortel de la circulation en Corse-du-Sud
(A redazzioni d'Alta Frequenza) - Novu accidenti murtali di a strada in Corsica Suttana oghji (marcuri). Una ghjuvanotta di 22 anni hè morta dopu à un inticciu trà a so vittura è dui altri veiculi ghjunghjendu inde l'altru sensu. Sicondu i primi elementi, a vittima avaria persu a maestria di u so veiculu, forsa par via di i cundizioni meteurulogichi assai pessimi pà issi lochi stamani (marcuri). Viaghjava nant'à a RN 198, ind'u sensu Meziornu Nordu, nant'à a cumuna di Sari Sulinzara. L'inticciu hè accadutu ind'a matinata. A ghjuvanotta ùn hè micca morta subbitu. Hè stata traspurtata nant'à l'uspidali di Bastia, via elicotteru, ind'un statu assai pessimu. Uspidali duva ella hè morta in mità di dopu meziornu. Torna una volta, a più grandi prudenza hè racumandata da schisà drami simuli.
Sur le même sujet
