Le Direct

Accident de la route mortel sur la Balanina

(A ridazzioni d'Alta Frequenza) - Un pocu innanzi à ott’ori, sta mani, una furgunetta è una vittura si sò impittati in Palasca, à nantu à a Balanina, vicinu à u rinaghju di l’Ostriconi. Sò stati tarribuli i cunsiquenzi d’iss’intoppu viulenti, postu chì, a dici u SIS, una donna di trenta cinqui anni, urighjinaria di Lisula, si n’hè morta in st’accidenti stradali. Un’omu di cinquant’anni, iddu, hè statu fertu è bè, po’ purtatu à u spidali di Bastia in elicottaru, è un ghjuvanottu di diciott’anni hè statu presu in carica è purtatu à u postu midicali di Calvi.