Accident de la route à Porto-Vecchio
(A redazzioni d'Alta Frequenza) - C'hè statu un accidenti nant'à a strada arisera (vennari) versu 11 ori in Purtivechju, locu dittu U Francolu. Una vittura sola hè cuncirnata, sicondu u SDIS di Corsica Suttana, mentri chì i circustanzi ùn sò ancu stati cumunicati. Trè parsoni sò stati feriti. Quilla chì l'hè stata di una manera gravi hè stata purtata in elicotteru fin'è l'uspidali d'Aiacciu, mentri chì i dui altri sò stati presi in carica in a clinica di U Spidali. I succorsi di Purtivechju, Pianottuli è Bunifaziu sò intarvinuti. A gendarmeria hè in carica di l'inchiesta.
Sur le même sujet
