Accident de la route à Ghisonaccia
(A redazzioni d'Alta Frequenza) - C'hè statu un accidenti ssa dumenica da mani versu 6 ori in A Ghisunaccia. Una vittura sola hè isciuta da a strada pà raghjoni scunniciuti, prima di pichjà contr'à un piottulu. Ci sò dui vittimi : sò spinghjifochi vulintari d'Aleria. U prima, incuscenti quand'elli sò ghjunti i succorsi sopralocu, hè statu scarciaratu. Presu in carica da i spinghjifochi di Corti è d'Aleria, hè statu purtatu in elicotteru fin'è l'uspidali di Bastia. L'altru omu, feritu lighjeru, hè statu purtatu dinò ellu à l'uspidali di Falcunaghja.
