AC Ajaccio - Olympique de Marseille : la municipalité demande l'annulation du match après des incidents en ville
Vennari in Aiacciu, in cor’di cità è in carrughju Fesch, si sò intuppati i sustinidori aiaccini è marsigliesi.
Sò intarvinuti i forzi di l’ordini, da sparguddà iss’aienti cù i bombi lacrimatoghji. Una parsona saria stata intarpillata. A pracura ùn ni faci cumenti, par ciò chì tocca à l’urigina d’issi fatti.
Stéphane Sbraggia, u merri, hè mossu supra à locu. Hà presu cuntattu cù l’auturità prifitturali è guvirnamintali, da ch’idda ùn si faccia a partita trà l’ACA è Marseglia, privista sta sera à novi ori.
A ghjunta di i sustinidori marsigliesi daghjia aghjà u pinseri, è a prifittura avia fattu una cunfarenza di stampa vennari, par spiicà i misuri missi in anda da circà à parà i disturbi.
Issu pinseri, n’avia parlatu è bè a municipalità, u merri avendu prupostu ch’iddu sichi difesu u dispiazzamentu di i sustinidori marsigliesi.
« Ùn semu stati ascultati » rigreta u primu aghjuntu, « eppuri t’aviami elementi matiriali à fà valè, è l’emu prisintati in tanti i riunioni in prifittura ».
Issu pocu ascoltu di a prifittura, u rigreta Alex Farina, u primu aghjuntu, chì no’ stemu à senta.
Sur le même sujet
