A dumenica di i Palmi, principiu di a Simana santa in Corsica
(Michaël Andreani - Alta Frequenza) - Hè ssa dumenica ch'ella principia a Simana santa cù i ceremonii di a dumenica di i Palmi. Ssa dumenica, prima à quilla di Pasqua hè l'uccasioni di celebrà dui avenimenti ind'è i cristiani : l'intrata di Ghjesù in Ghjerusalemi eppo a so passioni. Una cumemurazioni stampata inde a tradizioni, corsa frà altru, è chì si traduci da a benedizzioni, u ghjornu stessu, di i famosi pesci di palma, è crucetti, accumpagnati da a rama d'aliva, vinduti nant'à i sfarenti marcati, stradi o ghjesgi di l'isula.
Sur le même sujet
